عمكاباد عنكاوا.. عمكاباد
مقالات مشابهة
باراڤ بارزانی، دامەزرێنەر و سەرۆکی ناوەندی کوردستان بۆ هونەر و کولتوور، لەگەڵ بەڕێز مەتران بەشار وەردە، مەترانی کلدانییەکانی هەولێر و دامەزرێنەری زانکۆی کاتۆلیکی لە هەولێر کۆبووەوە.
مەتران وەردە ڕۆڵی بەرچاوی هەبووە لە بەهێزکردنی پەیوەندییەکانی نێوان ناوەندەکە و زانکۆکە، بەمەبەستی بەرفراوانکردنی چالاکییەکانمان لە سەرانسەری ناوچەکەدا.
لە بەشێکی دیکەی سەردانەکەیدا، باراڤ بارزانی لەگەڵ مەتران نەجیب میخائیل، مەترانی موسڵ و ئاکرێ بۆ کلدانییەکان کۆبووەوە، بەمەبەستی لەنزیکەوە ئاگاداربوون لە کارەکانی سەنتەری دیجیتاڵی دەستنووسە ڕۆژهەڵاتییەکان (CNMO).
ئەم سەنتەرە، کە لەلایەن بەڕێز مەتران نەجیب میخائیلەوە بەڕێوەدەبرێت، نزیکەی ٨ هەزار دەستنووسی سریانی و عەرەبی دەپارێزێت، کە لەوانەش نزیکەی ٨٥٠ دەستنووسیان لە کاتی هێرشەکانی داعشی ساڵی ٢٠١٤ بۆ سەر موسڵ ڕزگار کراون.
لە ڕێگەی ئەم هاوبەشییەی لەگەڵ سەنتەرەکە بۆ دیجیتاڵکردن و ئەرشیڤکردنی دەستنووسەکان، ناوەندی کوردستان بۆ هونەر و کولتوور بەردەوامە لە هەوڵەکانی بۆ پاراستنی کەلەپووری کولتووری و هزریی ناوچەکە.
